SUN搞作：少膽虫手記：抬不起頭來
少膽虫見腦細呢排頭耷耷，不禁上前問候。「少膽虫，呢排我抬唔起頭，咩雄風都無晒……」淫賤黎哀嘆。好在少膽虫都識啲「奇人異士」，「腦細，我知有人識『天然療法』，咩都醫得好，你有冇興趣……」少膽虫未講完，淫賤黎搶說︰「仲講，快啲帶我去喇！」
「你呢排係咪心煩、多疑同失眠？」醫師邊把脈邊問。淫賤黎輕聲說︰「係。」「咁係咪無晒興趣？」醫師再問。淫賤黎雙頰微紅，「咁嘅樣，仲點會想呀……」醫師搖搖頭，嚇得淫賤黎問︰「唔通唔可以變番以前咁勁？」
突然醫師大叫︰「好在你遇到我！」醫師一手捏着淫賤黎大腿內側。「醫師，捏嗰度啱㗎喇？」淫賤黎略顯尷尬。醫師神色凝重，「點會唔啱？個個男人都係咁畀我推拿醫番好！」只見醫師雙手宛如靈蛇游走，慢慢上移。「醫師，唔好呀，唔好呀……」淫賤黎呻吟，一聲「啊」，嚇得醫師急停，「做咩亂叫？好彩我都搞掂。」淫賤黎一臉狐疑，「但點解我個頭仲舉唔起嘅？」
「無理由，我醫不舉出晒名！」淫賤黎一怔，「不舉？你就不舉，我頸痛抬唔起頭，指揮唔到下屬咋！」一個兇狠目光望住少膽虫，「醫師，少膽虫想掛定聽日籌……」
