早前澳門政府宣布又派錢九千元，連續七年派錢，每名永久居民合共拎到四萬八千元，和味到極。荷包多咗錢，會否帶旺旅遊業？尋日現身馬場嘅康泰旅行社董事長黃士心就話唔多覺。黃士心分析話澳門人口唔算多，筆「肥水」多極有限，亦未必流到去旅行社身上，但有錢派，都係好事，而佢都係得益者之一。

澳門政府派錢，黃士心話未必流到去旅行社身上。

黃老闆自爆雖然非澳門出世，但投資濠江開旅行社三十幾年，金額唔嘢少，當地政府早已畀個永久居民身份佢，可惜一直太忙唔得閒辦理手續，直至○八年起澳門政府派錢，佢至拿拿聲去拎番張澳門身份證，仲連同張香港身份證一齊袋埋喺銀包入面添！

濠江封大利是點樣使？佢話冇時間理，亦一次都未提過錢出嚟使，總之有錢袋就happy。金額累計有幾多，佢亦好少理。

第一手消息請下載on.cc東網iPhone/iPad/Android/Windows Phone Apps