(阿)公審(計)大會上,憤怒的人民群眾揭發貪曾將搜刮回來的民脂民膏,購入價值連城、金雕玉砌的龍椅,大過其帝王癮,眾人手持審計寶書,紛紛批鬥之。

「講!你又鍾意同各國元首集郵,又鐘意坐咁貴嘅龍椅,點解咁想做皇帝?」正義的人民群眾果敢地責問。貪曾驚慌失措,慌道:「一萬三千七啫,又唔係十萬九千七!抵買呀!」貪曾開始重操故業,做回不誠實的推銷員:「呢張名叫蘇格蘭場非工業用國際線路豪華Dragon Chair、屬五十年代設計,物料主要是硬膠和漆,賣點是懷舊,供港英餘孽憑弔前朝,懷念戰後英國人賴死唔走嘅勇氣。由於目前沒有現貨,倘要購買需預訂並在三個世紀後付運到港,更顯珍貴……」

群眾聽得頭頭是道,幾乎想拍掌起來。幸好精明的群眾手持正義報章,看一眼就立即清醒過來:「你講咁多,都係想坐呢張龍椅??」講中心事,貪曾扭扭擰擰話:「好衰o架,踢爆人哋……」

「放心,我哋實成全你。」群眾微笑道:「嚟喇喂,一齊摳跛佢,送張『輪椅』畀佢坐!」

第一手消息請下載on.cc東網iPhone/iPad/Android/Windows Phone Apps