自從揭穿咗貪曾貪到連櫈都唔放過嘅醜聞後，引起全城熱話，就連小市民都睇唔過眼……

市民：你真係識歎，飲好食好歎好，連坐都要坐靚櫈！

貪曾：對自己好啲，唔啱咩！何況張櫈其他人都有份坐，唔係得我一個享受嘅！

市民：你都知你好識享受，張櫈貴成咁！

貪曾：一萬三千七啫，又唔使我埋單！

市民：唔使你埋單，唔怪得亂咁用錢啦！

貪曾：應買得買，應坐得坐呀！

市民：使錢你就叻，又唔派錢畀我哋市民解困！

貪曾：區區一張櫈，咪咁小器啦！

市民：淨係識豪使！用我哋啲納稅錢買成萬蚊張櫈！連十大基建入面，中環灣仔繞道嘅工程費都超晒支，條數又計到咁草率，最後咪又係用我哋納稅人嘅錢埋單！

貪曾：！＆％＠＃＾！！

第一手消息請下載on.cc東網iPhone/iPad/Android/Windows Phone Apps