政壇：議員諗縮數赴英冇人吼

立法會議員公費外遊備受關注，英國英聯邦議會協會（CPA）國際議會會議透過立法會秘書處，邀請兩名議員飛赴倫敦國會，出席今月二十五號嘅會議，點知無人問津，同去年相似會議有七人競逐、兩人中選嘅結果好唔同。立法會秘書長陳維安交唔到人畀英國嗰邊，真係頭痕囉。

據講，冇人吼可能係錢作怪。依家立法會議員每屆任期有五萬五千元外訪津貼，議員過去係唔貴唔去。但今次議員除咗要自費二百英鎊（約二千五百港元）會議費用外，連來回機票、食宿都要自掏荷包，更謝絕任何朋友家屬陪同，唔怪得議員諗過度過都選擇縮沙。