通識教科書被批評為改而改，借機掠水，由於毋須納入教育局評審範圍，局長吳得掂就卸得就卸，扮咩都唔關佢事……

家　長︰我哋依家生活百上加斤，你身為局長係咪應該正視吓？

吳得掂︰我哋一向都唔建議學校用課本作為通識主要教學資源，所以……

家　長︰所以就唔關你事？你唔建議啫，學校要用，家長有得揀咩？

吳得掂︰咁教科書上面的確有改動……

家　長︰改一兩個字就出新版都唔理，你咁縱容法，難怪書價年年升。

吳得掂︰咁……我哋盡量勸喻……

家　長︰又係勸喻……睇嚟通識書好快又要改版。

吳得掂︰點會？可以加咩？呢排都無大事發生。

家　長︰咪加番條情景題︰「教育局無能，任由教科書改版掠水，家長應如何面對？」

吳得掂︰@##$$%%^

第一手消息請下載on.cc東網iPhone/iPad/Android/Windows Phone Apps