政壇：周沁慶生日大玩穿越

年年生日都搞化妝舞會嘅香港青年聯會賢慧社主席Dorothy周沁，以前扮過中學生大玩制服派對，今年初因受到一套熱賣嘅荷里活電影啟發，於是約埋一班姊妹齊齊玩懷舊復古，返到佢哋未出世嘅上世紀二十年代。當日Dorothy戴上羽毛禮帽，換上貼身嘅極短連身裙，昔日嘅名媛風韻即時顯現。當日另一名女主角係Dorothy好友馬善恒，事關佢哋生日只差兩日，所以兩位靚女一於合辦化妝舞會，開開心心過生日。