趙世光女兒趙式和出席活動時，透露自己忙於藝術工作，本星期五將舉辦籌備咗大半年嘅藝術展覽，屆時將有英國同北京嘅藝術家專誠來港。

趙式和話近排去咗公幹，忙到不可開交。

佢話啱啱去咗英國、上海、澳洲同台灣等地公幹，忙得不可開交。問到老公李承康有冇投訴？佢話：「之前去台灣佢都一齊，因為有個藝術展，好值得去睇。」

問到爸爸趙世光身體狀況如何？趙式和形容爸爸精神不錯，情況好穩定，但要做物理治療。咁媽媽何琍琍係咪留港全力照顧老公？佢話：「佢上海、北京幾邊跑。雖然佢依家冇做餐廳生意，不過都有其他生意。我哋一向喺大陸都有物業打理。」

咁有冇叫媽媽退休？趙式和又話：「媽媽都有好多時間陪爸爸。佢鍾意做嘢，佢由十幾歲做到六十幾歲，冇一日休息。」

第一手消息請下載on.cc東網iPhone/iPad/Android/Windows Phone Apps