幾多錢先夠「富裕」？唔同階層有唔同標準。早排友邦保險就訪問咗五百名香港嘅中產人士，佢哋話總資產要有三千萬元先算！點解咁定義呢？

韋國敦話香港人都好注重健康。

其實呢個調查都係想帶出港人嘅退休儲備唔夠，皆因有一半港人都幾擔心將來唔可以維持到舒適嘅退休生活。咁究竟要幾多退休儲備先夠？呢班「中產」就估計要一千一百萬元。

要達到呢個終極目標，近七成港人覺得投資喺退休儲蓄計劃係唔錯嘅方法，投資房地產就梗係排第二，真係唔夠就靠仔女資助囉！

話時話，呢班中產話要有三千萬元總資產先稱得上「富裕」，但最緊要係身體健康。

友邦保險區域首席執行官韋國敦話，估唔到好多香港人都好重視健康！

第一手消息請下載on.cc東網iPhone/iPad/Android/Windows Phone Apps