城中鏡：項明生跳槽開記招公布
Sony第一位華人董事James項明生辭職，喺社交網站宣布「人生新一頁，即將揭幕」。新職位係乜？James賣關子話：「總之係高職位。」佢預告本月十七號返新工，當日順便開記者會。返工要開記者會咁大陣仗，睇怕新銜頭唔嘢小，會唔會係轉任大機構嘅生招牌呢？
項明生跳槽，轉去大公司任高層。（資料圖片）
喺Sony工作十五年嘅James話，係時候轉變環境。佢笑言已將半生青春奉獻畀Sony，事關當年佢加入公司時，僅得二十九歲，眨眼已四十四歲。佢近年投身較多時間幫報章雜誌寫專欄，又出版多本旅遊書，最近台灣同內地出版社都爭住搵佢出書，多多時間都唔夠用。今次嘅新崗位，睇怕一定可以同佢多姿多采嘅背景相配合，收相得益彰之效。
項明生嘅新舉動，喺網上引起熱烈反應，大家都想問佢嘅新動向，佢保持神秘，但眾人嘅祝福，佢就照單全收。
