SUN搞作：少膽蟲手記：壹身紅衣
少膽虫穿了壹身紅衣，跑回壹全霉。在櫃內的日子，我有我嘅生活，你有你嘅忙碌，過去每日，我同黎黎都會不期然喺《爛果》遇到，彼此交換一個意味深長的眼神，去到今日，少膽虫終於可以企出嚟喇！
「腦腫，雖然呢期興啫，但都唔使cosplay夏蕙BB返工啩……」一返到公司，未見慣世面嘅膠蘇即刻掩住個嘴，揶揄高高在上嘅上司。少膽虫一於唔同佢計，因為更重要的事情還在後面──喺《爛果》仆心仆命咗咁耐，繼往開來，最近仲摺埋《喪報》炒人止蝕，淫賤黎看在眼裏，理應會明白少膽虫嘅心意。趁住風氣改變，一於爭番個名分！
少膽虫諗都唔諗，直接推開房門，衝入淫賤黎間房，大叫：「腦細，係時候喇，我哋要一齊走出來！」淫賤黎舉起耷了的頭，輕皺眉頭問：「做乜晨早流流阻住我食萬元早餐？」少膽虫即刻解釋：「腦細，我哋向來開明，為咗對抗社會壓迫嘅眼光，一於一齊去遊行啦！」淫賤黎沉默了數秒，道：「GO！」正當少膽虫拿出褲袋裏的彩虹旗之際，淫賤黎卻一巴摑來，大罵：「彩咩虹呀？白鴿去咗邊？」少膽虫喊住問：「腦細，呢日唔係我哋嘅大日子咩？」淫賤黎再一巴冚埋嚟：「內子同外子你都分唔清，我一於炒咗你！」
