政壇：證監會論壇嘉賓卡士勁
自從證監會行政總裁歐達禮喺今年五月，榮升國際證監會組織（IOSCO）旗下亞太區委員會（APRC）主席後，證監會喺國際舞台上嘅影響力與日俱增。唔知係咪因為咁，「證監會論壇」將鐵定明年一月二十四日首次在港舉行，屆時本港、區內以至全球嘅監管機構高層、決策者等都雲集香港，討論大家都好關心嘅監管議題。
David Webb
沈聯濤
呢場金融界盛事首次喺香港舉行，演講嘉賓「卡士」陣容強勁，包括證監會前主席沈聯濤、IOSCO主席 Greg Medcraft等，屆時證監會新舊主席同場，都夠話題性。
論壇當日分開多個環節，最具睇頭應該係討論市場廉政同投資者保障嘅環節，請咗港交所監管事務總監及上市科主管戴林瀚、股壇長毛David Webb、新任刑事檢控專員楊家雄等同場發表意見，「打虎英雄」證監會法規執行部董事施衞民係該環節嘅主持人。Webb對港交所批評多多，尤其係爭取阿里巴巴來港上市一事，佢更勁插港交所有嚴重利益衝突，唔知身為港交所上市科最高話事人嘅戴林瀚點拆招？
