SUN搞作：少膽虫手記：壹毛不拔

「腦細，我日做夜做，但人工就無加，團體都建議加百分之七喇！」少膽虫說得激動，一臉通紅。可惜，淫賤黎毫不在乎，「少膽虫，你知公司呢排幾唔掂喇，你應該同公司共度難關至啱！」

少膽虫火冒三丈，「人你就炒唔少，自己就猛分花紅，仲唔係肥上瘦下？」「啱，肥上就一定要，係人都叫我肥佬，身為腦細，一定要維持形象。」淫賤黎擺出一副理直氣壯的樣子再道︰「況且我從來無瘦下，你睇吓肥豪！」

手持蛋糕嘅肥豪，吃得滿嘴忌廉。「唔理，今日無滿意答覆，少膽虫就唔做嘢！」少膽虫怒吼。淫賤黎望望身後嘅肥豪，「睇嚟你好快紮職喇！」少膽虫一聽，逕自走入大樓，埋首工作。「少膽虫，你唔係好威要搞罷工咩？」淫賤黎奸笑問。「係，我搞嘅不過係罷工三分鐘，既然完咗，所以要做嘢……」少膽虫無奈低頭。

「哦！咁咪乖囉！」淫賤黎又摸着大肚腩，慢慢走回房中……