政壇：江碧蕙唔做騎師做美容

香港首位女華人騎師江碧蕙早年英姿吸引唔少粉絲，退役之後，佢就投身家庭，前晚見佢出席「透視設計大賞頒獎禮」，江碧蕙透露自己好鍾意時裝，曾經諗過做設計師，如果唔係做咗騎師，就會向呢條路發展，其實佢都設計咗自己人生最重要嘅一個產品，事關佢當年嘅婚紗就係自家設計。

首位女華人騎師江碧蕙透露，將會擔任美容代言人。

從法國回港一個月嘅江碧蕙話，家吓佢嘅大仔已經十二歲，細仔亦九歲，唔使佢照顧：「我可以做自己想做嘅事，我啱啱簽咗新公司，想擔任美容代言人，闊別馬圈多年嘅佢風姿不減當年，佢笑言之前喺法國冇機會扮靚，回港後先有機會着高跟鞋。