華中師範大學政治傳播學院尋日舉行榮譽教授聘書頒授儀式,香港共有六人獲此榮譽,包括前全國人大常委曾憲梓、「玩具大王」蔡志明嘅大女婿馬鴻銘等人。其中近日被傳身體欠佳嘅曾憲梓,尋日未有親自領取榮譽教授聘書,由佢嘅長子、金利來(遠東)有限公司行政及人事總監曾智謀代領。

曾智謀(右)代父領取榮譽教授聘書期間,巧遇客家同鄉彭長緯(左)。

曾智謀代父領取榮譽教授聘書後,隨即精簡地代父致詞,表示報效祖國、奉獻社會係父親心願,希望日後繼續為兩岸四地的和諧發展作出貢獻。政圈早前有傳曾憲梓最近身體欠佳,巧合地尋日曾憲梓未有出席活動,當問及曾憲梓最新健康情況時,曾智謀話父親因不在香港所以未有出席,又話父親目前身體情況可以。此外,曾智謀尋日代父出席活動另有收穫,就係撞到同為客家人嘅沙田區議會副主席彭長緯,二人即時合照留念。

第一手消息請下載on.cc東網iPhone/iPad/Android/Windows Phone Apps