已故全國政協副主席霍英東家族爭產案再成城中焦點。高等法院經連番審訊後，日前已聽畢各方陳詞，押後宣判。尋日一個研究中心舉行成立典禮，席上嘉賓分別有霍家長房二子霍震寰同長房三子霍震宇。早前法庭聆訊，佢哋都係透過律師代表陳詞，並冇親自交鋒，尋日二人巧合咁喺同一場合露面，一舉一動都成焦點。

震寰及震宇同場出現，但活動中卻幾乎零交流。

先睇睇座位，主辦單位唔知係有心定無意，安排震寰同霍宇分開兩行坐，震寰坐喺第一行近中間位置，霍宇就坐第二行，正正喺震寰後面嗰行隔一個位。

本來二人座位較近，傾吓偈都好正常，然而二人全程幾乎係零交流，震寰大部分時間目光都專注台上嘅儀式，震宇有時則短暫合埋眼，疑閉目養神休息，唔通兩兄弟真係冇偈傾？

第一手消息請下載on.cc東網iPhone/iPad/Android/Windows Phone Apps