少膽虫見淫賤黎喺停車場與一神秘男子見面，氣氛凝重。

「話晒都跟咗我咁多年，依家我平啲賣畀你！」淫賤黎道。神秘男子猶豫不決，淫賤黎一拍心口︰「我保證用嚟發洩絕對一流，包你未曾真箇已銷魂！」

少膽虫心中大慌︰「『跟咗我咁多年』、『發洩絕對一流』、『銷魂』，腦細要賣少膽虫？！」神秘男子突然開口道︰「你開個價喇！」少膽虫即刻飛撲攬緊淫賤黎雙腳，「腦細，唔好賣少膽虫，唔念少膽虫有功勞，都念下少膽虫『八月十五』嘅苦勞！」

一下飛踢，少膽虫一仆一碌地滾開，「邊個話賣你？」少膽虫慌忙道︰「唔係我，仲有邊個可以令腦細你銷魂？」淫賤黎卻說︰「梗係《爛果》，日日作嘢發洩，點會唔high？」

「你兩個講夠未呀？」神秘男子極不耐煩。淫賤黎即道︰「好，平平地就幾十億喇！」神秘男子一臉驚訝︰「買你啲回紙都要幾十億？」淫賤黎回應︰「咩啊？我話賣公司喎！最多送埋少膽虫畀你！」神秘男子露出不屑的目光，「垃圾都值幾十億，傻的嗎？收埋啲垃圾，再造都唔掂！」話畢就拂袖而去。

交易再次失敗，估唔到嘅係連收買佬都唔要……

第一手消息請下載on.cc東網iPhone/iPad/Android Apps