名人周國豐同太太Jenny周黃泳霖、前經濟發展及勞工局局長葉澍堃嘅長子葉瀚林同其太太Connie朱敏盈等，前晚出席籌款音樂會，以協助來自低收入家庭嘅青少年。Jenny透露老公曾參加電視台節目《窮富翁大作戰》，發現時下唔少年輕人有好多負面情緒，所以佢哋曾為年輕人安排餐桌禮儀班以及同專業人士見面等，希望佢哋增廣見識，自我增值，同時能夠為佢哋帶出正能量。本身育有兩子嘅Jenny，指大仔依家三歲幾，稍後會畀佢學彈琴，而佢自己細個嗰陣都曾經學琴o架！

黃泳霖（右）話老公周國豐關心青少年多負面情緒。

葉瀚林（右）同太太齊支持籌款音樂會。

擔任籌款音樂會成員嘅Connie就透露，所籌得嘅經費會撥畀學生做獎學金，亦曾介紹學生到內地酒店實習或擔任實習記者，感覺好有意義。佢又話，由於老爺葉澍堃啱啱出咗埠，所以冇嚟籌款音樂會。問到家人有冇向佢催生細路？佢話：「我哋會計劃吓，家人冇乜特別催，因為屋企有好多兄弟姊妹，有好多小朋友。」佢仲話已有做媽咪嘅心理準備。

第一手消息請下載on.cc東網iPhone/iPad/Android Apps