城中鏡：李永逵教基層童用「腦」
好多人鍾意追潮流，電腦model舊咗，就即刻拎部舊嘅變賣，然後換過部新機。其實，如果唔等錢使，大家拎部舊電腦去回收，等佢哋成為再生電腦，畀有需要用嘅人享受「數碼」帶來嘅方便。
李永逵（左）同嘉賓參觀小朋友用電腦嘅情況。
中銀香港最近就用一百萬元資助電腦工場，送贈二千部再生電腦畀基層家庭，又再另外拎多一百萬元出嚟，畀基層家庭用作更換電腦周邊設備同購買軟件版權。該行營運總監李永逵仲連同IT部同事一齊出盡力教細蚊仔用電腦！
事實上，中銀香港自○六年起，已將再生電腦捐贈畀唔同嘅非政府組織。舊電腦可以循環再用，環保得嚟，又幫到有需要嘅人，真係何樂而不為呢？
