政壇：科大衞冕商業分析國際賽
花旗集團早排舉行咗第十一屆花旗集團國際案例分析比賽，吸引十八支來自十三個國家及地區嘅隊伍參加，當中香港科技大學隊伍喺國際案例分析比賽中脫穎而出，連續兩年奪冠。
盧韋柏好支持國際案例分析比賽。
今次花旗集團出嘅題目都幾特別，聽聞參賽隊伍要喺二十四小時內，為周大福珠寶集團所面對嘅策略性難題，提出可行嘅商業方案。
中國消費市場急速變化，相信周大福唔多唔少都會面對唔同嘅挑戰和機遇。通過分析現實生活中嘅商業案例，除咗為學生提供一個極好嘅學習機會，仲可以鍛煉佢哋解決問題嘅能力。
科大團隊就憑着創新和務實嘅解決方案，再度衞冕。聽講，周大福嘅代表對於同學嘅表現有幾高評價，仲話有部分建議非常接近公司喺實踐中希望達到嘅目標。學生咁努力，效果咁好，唔怪得花旗集團香港及澳門區行長盧韋柏話，會繼續支持同類型嘅計劃，培育勇於承擔嘅未來領袖啦！
