前全國政協委員劉夢熊因為被控一項意圖妨礙司法公正罪，尋日去法庭。可能入得「官門」，心情都較為緊張，劉夢熊尋日離開法庭時，行落兩級樓梯都腳步不穩，幾乎跌親。
話說劉夢熊尋日離開法庭，身邊有貌似律師等人同佢一齊行，點知佢行到樓梯邊，唔知係差錯腳定係腳仔軟，心神恍惚幾乎跌親，好彩身邊嘅人身手敏捷，即刻出手扶住佢，佢至好彩無跌親。話時話，佢幾乎跌親，唔知有乜嘢玄機呢？
