容易食成酗酒「踏腳石」
「最擔心年輕人會食到上癮，最終由食啫喱變到染埋酒癮。」資深社工陳鑑銘指，雖然現行法例規定十八歲以下人士禁止進出酒吧，但年輕人可輕易於便利店或超級市場購買酒精飲品，隨着含酒精食品愈出愈多，他擔心會令青少年酗酒問題惡化。
在過往的青少年外展工作中，他接觸過不少「酒鬼」，當中不少都是女性，年紀最輕只有十一歲。「大部分最初接觸酒精都係受朋輩影響，之後再去超市或者便利店買。飲酒好似吸煙咁，係一種心癮，慢慢就會愈飲愈多，最後飲上癮。」而酒精啫喱較酒精更易入口，他擔心會成為年輕人沉迷酒精的「踏腳石」。
他指年輕人經常會「酒後惹禍」，對與家人關係、社交、學業等影響深遠，「好多年輕人飲完酒，容易同人發生爭執，甚至打交。如果係女仔就更加危險，自我保護意識低咗，就算被人非禮或者性侵犯都無能力反抗。」
