SUN搞作：少膽虫手記：爛果傳(火羅)味
「搞咁耐都未搞掂，想餓死我咩？」淫賤黎房內傳出咆哮聲。少膽虫嚇得匆匆走入房，「腦細，等多陣就有得食，你都想食好嘢o架！」少膽虫施以按摩絕技，嘗試平息淫賤黎焦急的情緒。突然一股味道傳入兩人的鼻腔裏，「腦細，有味啦！有味啦！」少膽虫興奮指向門外，一個轉身走出房間。
「弊啦！」少膽虫失聲尖叫。「嚇死人咩！我碗燕窩粥呢？」淫賤黎怒視少膽虫手上一煲白裏帶焦黑的液體。「燶咗啦！救唔番啦！」少膽虫皺着眉頭。「咁咋？煮多煲啦！仲企响度！」淫賤黎指着少膽虫。「唔係呀腦細，電視話新款『蘋板腦』炒燶咗呀！」少膽虫說道。「咁我買嗰二十部點算？」淫賤黎惶恐地追問。「二十部都係蝕少少啫！」少膽虫安撫道。淫賤黎突然靈光一閃，「唔係喎，市場學有招叫谷底反彈，我入多幾萬部，囤積居奇，咪唔使蝕，仲有錢賺添！」淫賤黎捧腹大笑。
少膽虫心諗，「『蘋板腦』炒燶，大家『同命』，今日粥又煲燶，睇怕《爛果》遲早都燶喇！」
