SUN搞作：網絡小說：短毛議員斷腳內幕
立法盃向來為兵家不爭之地，純粹由於尊貴議員想證明自己人工拍得住碧咸而舉辦，但正所謂你唔掂政治，政治都會自己走上門，一項針對短毛議員的大陰謀已經悄然在球場上滾呀滾……
「林大家臣！傳畀你！」孽割him盤球繞過大舊和人仔，準備在後方一個長傳交給隊友。林大家臣見機會來了，當下狗衝入敵陣接應。「個波咁耐都未嚟嘅？」林大家臣正狐疑，孽割him卻笑道：「『傳』聞嚟啫，使乜咁認真？」林大家臣方知此人陰濕，自己戇居中伏。
林大家臣把心一橫，自行完成陰謀，於是腳下運勁，直撲短毛議員：「我唔可以畀你投票！」短毛議員走避不及，驚叫：「點解你要咁做？」林大家臣雙腳一夾，短毛議員腳上「咯」的一聲，只聽到他回答：「我家臣嚟咋，點知啫！」球證豬肉成此時趕到，亮出紅牌：「嗱，唔好又話我變咗飯民呀，鬼叫你做得咁明顯……」
短毛議員卻依然無懼劇痛，振臂又震腳高呼： 「就算我跛咗，我都要返去投票！」眾隊友無不愴然，豈料短毛議員又道：「聽講神級經濟學（簡稱神經）大教授雷公話有五百蚊拎，正呀喂！」
