城中鏡：張天愛為舞衣狂刨歷史
時裝設計師Flora張天愛身兼多職，依家忙於北京嘅教育學校，但早前佢仲抽空為芭蕾舞劇設計舞衣。Flora透露今次嘅芭蕾舞劇由古代演至現代，設計咗約二百套服裝，因為唔同嘅朝代，要搜集各朝代嘅資料，花咗半年時間，不過佢話喺過程中更了解各朝代歷史同服飾喎！佢話：「今次服裝想透視，所以加插咗好多雪紡、輕紗。」
張天愛抽空為芭蕾舞劇設計約二百套舞衣。
為設計舞衣，張天愛花半年時間搜集各朝代資料。
呢齣芭蕾舞劇嘅編舞係國際知名嘅編舞家王新鵬，Flora大讚對方有才華，係佢最欣賞嘅編舞家，被問到兩人有冇機會合作時，Flora話：「我都好想，佢好忙，希望遲啲可以一齊合作，編排一套富中西文化特色的芭蕾舞劇。」
