透視鏡：公屋「三支香」繼續攞命
攞命晾衣架，房屋署草菅人命！房署早年曾推出資助更換公共屋邨晾衣架計劃，惟限制多多，推行一年多便火速停止。時至今日，本港逾六成公屋住戶仍逼用「三支香」式晾衣架，有裝修業內人士直指，「三支香」設計先天失誤，早年資助更換的拉繩式其實亦無減危險性，住戶又擔心自行改裝晾衣架觸犯《建築物條例》，令「三支香」危機遺禍至今。多區區議員均批評，有關計劃停辦令新住戶未能受惠，房署多年來拒為失誤負責，讓住戶一再踏入死亡深淵。
三支香晾衫住戶需靠櫈仔企高才方便晾曬。
晾衫奪命意外頻生
2011年 大埔富善邨
2013年 樂華北邨
友愛邨不少住戶用「四支香」設計，有居民亦換上拉繩式晾衣架（箭嘴示）。
住戶點睇
黃小姐：我屋企都係喺屋裏面曬衫，都擔心有鄰居會出意外，應該免費幫居民換晒啲晾衫架。
柯先生：就算依家房署先幫人都太遲啦，死咁多人，啲居民都寧願唔用。
根據房署資料顯示，現時有二百零四條公共屋邨，當中有一百二十八條採用俗稱「三支香」的插筒式晾衣裝置，這些炸彈曾奪去不少人命。日前牛頭角樂華北邨一名少婦，利用「三支香」晾衣架晾衣時，疑失平衡由八樓墮地慘死，令「三支香」下再添亡魂。
然而，房署於○四年推行自願性半費資助更換計劃，當時住戶只需付二百元，便可將「三支香」晾衣架更換成拉繩式，惟有關計劃於○五年底結束後便沒再推行，房署亦沒有備存在該計劃下惠及的住戶數目。
住戶憂改動違例
同樣居於樂華北邨的陳太，當年並無參與資助計劃，一直沿用「三支香」晾衫，「個壆位高過腰，一定要用櫈仔企高，雙手先夠長伸出窗外插竹，一唔夠力，就好危險。」面對同邨的晾衫失足意外，陳太稱只可自求多福，「每次提住自己小心，有時望到對面屋曬衫，半個身伸咗出窗外面，見到都牙煙，真係驚再搞出人命。」
計劃成效不彰，公屋聯會主席王坤歸咎當年資助計劃非強制性，且需收費，令不少住戶「嫌麻煩」不肯安裝。「咪一樣係要企高晾衫，一樣咁危險！」從事晾衣架維修工程十多年的譚先生表示，拉繩式只改良原有插筒式，讓住戶省去用力插竹的危險，「其實本身三支香設計已經好有問題，就算喺原位換咗拉繩式，咪又要企高，咁曬衫一樣咁危險，但如果想裝喺其他位置，有好多屋邨唔准，所以好多人都唔敢郁。」
他表示，現時坊間更換晾衣架價錢由數百至數千元不等，除價錢考量，不少住戶擔心更換其他款式晾衣架後未能符合房署及《建築物條例》要求，打擊住戶更換「三支香」意欲，令該炸彈一直存在至今。
大埔富善邨於一一年亦曾發生「三支香」奪命意外，大埔區議員關永業指該邨至今只剩不足一成住戶仍採用「三支香」，惟他指有關計劃未能涵蓋各屋邨○五年之後才遷入的住戶，建議房署應重推優化更換計劃，針對個別屋邨持續性提供技術及資金資助。
房屋署發言人表示，有關計劃屬一次性計劃，○五年底結束。現時家庭成員全為長者的住戶仍可申請免費安裝拉繩式晾衣架。發言人續指，對於插筒式晾衣架的單位，住戶可向房署申請自費安裝拉輪式及其他晾衫架，同時須承擔安裝及維修保養責任，而○八年後落成的公屋單位，外牆已裝置雙桿式晾衣架。
