呢排社會上就免費發牌事件鬧得熱烘烘，財爺鬍鬚曾尋日發表網誌，話政府總部上個周末充滿火藥味。唔通政府內部又因為政策有唔同意見，嗌到好僵？原來佢係講緊上星期到政府總部外取景嘅《變形金剛》拍攝工作。鬍鬚曾仲話，其實當年曾買過一個香港製造嘅博派機械人玩偶畀囝囝，後來先知自己幫襯咗立法會議員林健鋒嘅家族公司。
鬍鬚曾寫嘅網誌題為歡迎Bumblebee（大黃蜂），除咗上載咗幾幅《變形金剛》喺添馬公園拍攝情況嘅照片，仲話其實以往唔少外國電影都曾經來港取景。不過，佢講到《變形金剛》上月喺香港拍攝時發生嘅不愉快事件，佢就話好彩無影響電影拍攝進度同香港整體形象。
第一手消息請下載on.cc東網
