東網電視
更多新聞短片日前都講過，曾經係愛港力風頭人物嘅「淨心BB」陳淨心，退出愛港力後沉寂咗一輪，最近「火鳳凰重生」，成立咗個叫「愛港行動」嘅新組織，標誌仲係一隻飛緊嘅鳳凰。尋日係愛港行動頭炮，淨心BB帶埋二十名成員到大窩口一間教會，向參加論壇嘅佔中發起人戴耀廷示威，批評佔中運動勾結台獨分子施明德，質疑佔中想顛覆分裂國家。
陳淨心捲土重來，尋日帶隊去示威。
愛港行動組織都幾嚴謹，佢哋特設公關部應付傳媒，透明度比以前愛港力高好多，而且個個都好聽陳淨心講，一聲令下已經企晒喺佢後面，好有隊形。而且第一次行動就搵到二十幾人去抗議，算係唔錯。
淨心BB批評佔中成員勾結台獨分子，證據係發起人之一嘅朱耀明同民進黨前主席施明德會面。但記者再問落去，淨心BB就話其他嘢唔識，只知朱耀明見過施明德。
第一手消息請下載on.cc東網
