蔡加讚希望結婚後過二人世界。
「玩具大王」蔡志明嘅仔蔡加讚前晚單拖出席手錶展覽，佢話婚禮事宜搞得七七八八，問到爹哋送樓作結婚禮物時，佢話唔知道，仲話未決定婚後係咪同爸媽同住，想過二人世界。佢話兄弟團相識二十年，係由細就認識嘅好朋友同同學，圓圓嘅姊妹團都係親戚同圈外朋友。問到宅男女神苟芸慧因負面新聞而被踢出姊妹團件事，加讚話唔清楚！
對於擔唔擔心被玩？加讚佢直認不諱：「班姊妹太有計劃，超級擔心被玩，佢哋唔會留情，開門利是都多啲。」咁圓圓表妹湛琪清笑話，如果加讚送佢寶石戒指就手下留情喎？佢話：「都要巴結下班姊妹，諗諗下都要送下戒指。都要靠班兄弟，我同佢哋講若然嗰日被玩唔知食咗乜搞到屙嘅話，結唔到婚就關佢哋事！」
第一手消息請下載on.cc東方互動
