自《喪報》回歸堆填區，淫賤黎就悶悶不樂，佢最後決定辦場風光法事，送《喪報》最後一程……
「擺呢邊，唔係呀！擺嗰度先啱！」淫賤黎正忙於打點。突然間，淫賤黎怒目望向少膽虫，「少膽虫，你做咩笑晒咁口，有咩咁開心？」「唔係呀腦細，我係醞釀緊唔開心嘅情緒，《喜劇之王》都有教，要由外到內，再由內到番外。」轉數低的淫賤黎諗咗成分鐘後怒吼︰「咁你即係做戲喇！」
「鈴鈴鈴……」電話鈴聲打破這種尷尬氣氛，少膽虫一手拿起聽筒，圖轉移視線，「喂喂，呢度係壹全霉。咩話，花圈畀個牌擋住，入唔到嚟？」淫賤黎一聽，緊皺眉頭，少膽虫知將功補過嘅機會到喇，「咩牌咁巴閉，拆咗佢咪得囉，『law霸』都咁做喇！」少膽虫刻意提高聲線。
「腦細，搞掂喇！」淫賤黎向少膽虫點點頭。忽然肥豪急急走來，「腦細《爛果》招牌畀工人拆咗！」淫賤黎面色一沉，「點解會咁？」「佢哋話運花圈嗰陣，畀招牌擋住，打上嚟問，有人叫拆咗佢。」
睇嚟少膽虫「八月十五」，又要睇醫生……
第一手消息請下載on.cc東方互動少膽虫
