立法會尋日發出通告，話大樓餐廳由今日起實施環保措施，唔知咁樣做，會否影響到餐廳嘅生意呢？
立法會餐廳嘅環保措施，包括使用可完全生物降解嘅麥稈纖維製環保餐盒同熱飲杯，三文治等食物就會以紙袋包裝。此外，立法會秘書處歡迎外賣顧客喺餐廳非繁忙時間，即周一至周五上午八點至八點半鐘，以及正午十二點至下午兩點鐘以外嘅任何時間，使用自備食物容器盛載外賣食物，如果顧客咁做，就可以免收一元外賣費，慳得一蚊得一蚊。
