政務司司長林鄭月娥尋日出席立法會扶貧小組委員會，報告政府扶貧委員會嘅工作進展。議員陳志全（慢必）不滿政府冇為滅貧訂下目標之餘，質詢時卻以減肥為例，質疑政府嘅方法根本無效，身形苗條嘅林鄭月娥都無懼肥胖話題，同慢必大講減肥，只係兩個人噴完口水花，好似對扶貧都冇乜幫助喎！

慢必想形容政府依家嘅扶貧工作係掩耳盜鈴，話佢哋做隻減肥藥叫人減肥，一味話有功效，但點知塊鏡照唔到，個磅係磅唔到嘅。林鄭就反駁話︰「塊鏡不單止照到，仲照得好清楚，如果有貧窮線、有塊鏡喺度，但咩都唔做，只係自取其辱。」佢哋係講緊政府推出扶貧措施後，究竟能否量化措施嘅成效。僈必用減肥比喻扶貧呢個話題，似乎有啲格格不入，事關貧窮人士應該係增肥至啱。

第一手消息請下載on.cc東方互動iPhone/iPad/Android/Windows Phone Apps