警察的工作，不特止除暴安良、維持法紀，還要有不偏不倚的有腦判斷之能力，才可讓市民心悅誠服，安居樂業！

但，香港回歸後的警隊？一隻字：小！

遠的不說了，講來火滾兼嘥Ｑ氣。嗱！看看最近的一單吧！

那個絕代無能廢柴跪地男，被頂級兇殘變態港女，當街公然連續狂摑十多巴掌，片段在網上廣傳，唔單止教壞細路（或嚇親），仲係有憑有據，足以證實有人暴力行兇啦！點知，竟獲香港廢柴政府之警方不提證供起訴，只判自簽一千蚊，同守行為一年咋！咁有片、有目擊證人之證據確鑿都唔起訴，就讓人記起：農曆年前，香港警方拉了一位民運小女孩，話佢「有咬女警」（但無任何相片或影片）而「加監」，唔准佢回家過年；又令人想起：警方不斷追捕舊年或再舊年曾參加過遊行集會的參與者，抓回來「玩四十八小時」也是好的！奇怪地，今次放人理由，是「警方不提證供」，咁你班差佬，無學菲律賓駐港領事咁，睇網上「直播」o架咩？

喂！香港廢柴政府律政司，班差佬廢咗，希望你哋為香港的法治公義爭番點尊嚴，好似你哋覺得簡炳墀判罰不準確咁，重審加刑；又或好似陳志雲案咁，嚴肅處理；至少，都要跟行政會議非官守成員林健鋒涉逆線行車十幾米兼衝紅燈的票控不小心駕駛罪，改控更嚴重的「危險駕駛罪」，咁先至正常吖嘛！

仲有呀？那條影衰晒全地球男性嘅廢柴跪地男，被暴摑後，仲陪兇狠港女出庭，當佢鑲鑽石咩？兼發惡膝撞推倒記者，嗱！又有相同證人o架！律政司咪放過佢呀！否則，我睇你唔起！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

http://www.facebook.com/lostonaredminibus

第一手消息請下載on.cc東方互動iPhone/iPad/Android/Windows Phone Apps