SUN搞作：Sun官場現形記：打老婆即係打佢
成堆G4陪貪曾同佢老婆遊大阪，認真疏乎。更疏乎嘅係，返港經機場貴賓特別通道出嚟嗰陣，佢拋低老婆趕住走，結果佢老婆急急腳行出門口，遇正地勤姐姐好心伸手提佢唔好撞埋玻璃門，結果好似摑咗佢老婆一巴咁。心神恍惚、隨時面臨檢控嘅貪曾覺得好唔吉利！
貪曾：哦！你打我老婆！
地勤：誤會嚟啫！我好心提吓你老婆……
貪曾：解釋即係掩飾！ 同我叫你經理出嚟！
地勤：你老婆自己衝埋嚟咋……
貪曾：我唔想搞大佢，叫你經理過番幾十萬飛行里數入我Account就算！
地勤：咁都得？再講你啲飛行里數係負數，欠緊庫房喎！
貪曾：你即係逼我發爛渣！我去飲去威都帶實我老婆，你打我老婆即係打我！
地勤：真係？
貪曾：梗係！
地勤：咁我唔打你，轉打你老婆一樣啫！啪啪啪！
曾太：嗚呀～～
