城中鏡：姚珏辦音樂會 有夫撐場
由國際著名小提琴家姚珏創辦嘅香港弦樂團（Hong Kong String Orchestra, HKSO）前晚舉行成立音樂會，姚珏夫婿魯恭同蕭芳芳夫婿張正甫等撐場，但內斂嘅魯恭面對傳媒顯得避忌，冇停低落嚟接受訪問。
姚珏（左三）希望弦樂團可帶領本地年輕音樂人，踏上專業舞台嘅階梯。
魯恭
姚珏話香港有好多有潛質嘅年輕音樂人，佢哋對音樂充滿熱誠，希望能夠成為專業嘅演奏家，基於依家香港未能提供進一步嘅提升空間，所以香港弦樂團嘅成立將帶領佢哋踏上專業舞台嘅階梯。
姚珏又感謝一直以來很多人支持佢完成音樂夢想，因此佢都希望呢班年輕人能藉着樂團而實現自己嘅理想。
佢又話，喺未來一年香港弦樂團將代表香港參加上海之春國際音樂節，同埋喺明年六月將舉行慈善音樂會，為本港有需要嘅人士籌款，希望喺促進香港音樂藝術的發展之餘亦貢獻社會。
