政壇：老婆被「摑」貪曾會記仇
「貪曾」前特首曾蔭權爵士前日鬼祟返港期間，連累曾太鮑笑薇意外被「掌摑」，大批網民尋日喺社交網站上就此事議論紛紛，話雖然地勤人員隻手意外地「摑」到曾太臉部，但以貪曾咁記仇嘅小人性格，一定會狠狠報復涉事嘅地勤人員。
有網民又鬧爆貪曾任內「貪遍省港澳、歎盡海陸空」，同富豪大搞利益輸送之餘，又不時乘坐私交好友嘅私人飛機同豪華遊艇。出國外訪時，貪曾除咗會帶埋老婆一齊去旅行、要食最高級嘅佳餚外，仲堅持住喺同佢身份不符嘅總統套房，花盡納稅人公帑，總之就係「禍港殃民，累人累物」喎!
