「返來囉！返來囉！」淫賤黎語帶響音呼喊，少膽虫頓時膽顫心驚，「七月都過咗喇，唔通腦細為《喪報》……」淫賤黎瞄得少膽虫經過，一手拉少膽虫到其身邊︰「少膽虫，一齊嗌！」少膽虫做埋咁多衰嘢，邊敢亂嗌︰「腦細，咁叫法啲污糟嘢會唔會搞我哋o架？」

淫賤黎一聽，即賞少膽虫一巴耳光︰「搞搞搞，日日掛住被人搞！我依家做緊個『愛迴家』計劃，諗住叫啲前員工返嚟《爛果》！」淫賤黎炒人出名狠，依家會咁好死叫人回巢？「腦細，你之前咁對啲員工，人哋肯唔肯返嚟呀？」淫賤黎張開肥嘴，仰天大笑︰「呢個圈咁細，而且我哋仲有爛果請人食，再唔係就加啲雞汁，哈哈哈哈哈哈哈哈！」

「但壹全霉呢排咁霉，《喪報》又啱啱……叫人回巢，我驚喺錢方面會……」少膽虫憂心地道。淫賤黎一拍心口，滿面自信︰「返得嚟仲唔盡情剝削咩，人工平幾舊就梗o架喇！加上佔中呢排咁hit！」少膽虫聽得不明不白︰「又關佔中事？」「我哋壹台……獨大嘛！」淫賤黎邊竊笑邊繼續喊︰「返來囉！」

第一手消息請下載on.cc東方互動iPhone/iPad/Android/Windows Phone Apps