好心司機嘆無妄之災
【本報訊】見義勇為的夜班的士司機王先生，對手機意外跌爛大表無奈，大吐苦水：「我最無妄之災！」王表示，事發時他駕着空載的士，駛至愛勤道時，目睹三名男子追着傷者「係咁揼」，看不過眼下開車追截：「咁啱我架車有Cam，拍到晒打人過程。」兇徒窮追二百米後，跑出路中心對跌倒地上的事主繼續拳打腳踢。王形容兇徒手法兇狠狼死，過程觸目驚心。
警員在附近兜截，截查兩名青年。
一名青年被帶返警署。
的士司機替傷者致電報警。（讀者提供）
的士司機的手機跌爆芒毀爛。
的士司機（右）協助警方調查。
考慮追究損失
「傷者問我借手機打電話，後來警車一到，我望一望警車，傷者就攞咗我個電話係咁走，後尾仲整爛埋。」事後警員向他取走車Cam片段協助調查。「我聽到佢哋講，係因為傷者『溝』咗其中一名兇徒條女，而被報復！」
好心借手機予事主，但是最終意外跌爛，王對此大感無奈。「我好心借部電話畀佢，又幫埋佢報警，但估唔到佢攞埋我部手機走，我最無妄之災！我擔心追討賠償會好麻煩，但都會考慮追究損失。」對於的士車Cam拍下案發經過，協助警方追緝兇徒，王對此感到欣慰。
