SUN搞作：SUN官場現形記：此福利不同彼福利
貪曾自私自利，不惜與香港市民為敵，係人見到佢，都會二話不說，揼佢一身。不過厚面皮嘅貪曾，自然會諸多狡辯……
市民︰你為咗滿足自己，不惜與低下階層敵對！
貪曾︰等等，唔好打住！
市民︰你仲有咩解釋？
貪曾︰我同大家不過係「人民內部矛盾」，絕對唔係「敵我關係」！
市民︰你仲講，你在任時貪威識食，咩着數都攞盡，但就不理市民死活，咁仲係內部矛盾？
貪曾︰我有行過「福利政策」喎！
市民︰邊度有？大家見到未見過！
貪曾︰我成日食鮑魚、飲茅台，享盡口腹之慾，咁仲唔係「腹脷政策」？
市民︰講多嘥氣，打佢！
