貪曾搞到香港咁衰80後唔想生仔
【本報訊】港府的人口政策諮詢文件提出透過鼓勵生育及婦女重返職場，解決本港未來勞動人口不足問題，但建議卻受到不少市民質疑。有準爸爸表示，撫養子女的開支大，加上租金及聘請外傭，看不到要求妻子重返職場的誘因。亦有網民批評：「生咩鬼呀，咁多雙非，來香港搶晒床位、學位、資源，試問有幾多香港人會放心生小朋友呀？」更有市民鬧爆，「香港畀貪曾搞到社會咁嘅環境，七、八十後嗰批好多都唔生啦！」
主婦盼重投職場 長工時嚇怕
從事金融策劃師的鄭先生是準爸爸，他昨日致電電台訴說，任職普通話教師的妻子打算生育後辭去工作，直言從成本效益計算，若太太重返職場，每月只賺取八、九千元，但他們卻需花近四千元聘請外傭，加上租金及撫養子女的開支，看不到太太繼續工作的誘因。他指，「林鄭話減稅冇用，我話唔係，對中產嚟講，提高子女免稅額係最大幫助。」
家庭主婦黃女士說望重投職場，卻被長工時「嚇怕」。她認為，若當局要鼓勵婦女工作，應訂標準工時，下午五至六時應讓她們下班，「如果要晚上七、八點先放工，點煮飯畀仔女食呀？」三十多歲的陳先生坦言打算生育，「為贏在起跑線上，仔女一出世，家長就要裝備佢哋點讀書」，令家長面對很大壓力。網民迷你老鼠亦狠批，「香港畀貪曾搞到社會咁嘅環境，七、八十後嗰批好多都唔生。」
港府又提出優化輸入外勞的建議，網民noe_0704批評，「你輸入外勞，要外勞肯做嗰七萬多個空缺先得架，唔係一陣又同人爭埋一份，嗰七萬多個位冇變過。」
