政壇：每周之星：至叻星：舌戰鄉紳暫保綠地 黑英環保路難行

發展局局長「波波」陳茂波早前發表研究發展郊野公園用地，搞到群情洶湧。為捍衞郊野公園，變身環保鬥士嘅天文台前台長「黑英」林超英，喺網上又撰文又改圖，出盡力阻止郊野公園用地被侵蝕，而且佢唔單止做鍵盤戰士，仲親身出席論壇，面對百幾二百個鄉紳大打口水戰依然毫無懼色，最終搞到波波都要轉口風，話政府冇改變郊野公園用途，令風波告一段落。但係政府冇地起屋，類似嘅用地爭拗可能陸續有嚟，咁點樣喺建屋同環保之間取得平衡呢？黑英都要諗諗先得。