正所謂民以食為天，食物安全一直都係市民關注重點。申訴專員公署主動抽查市民嘅肉食店舖後，發現逾半違規處理冰鮮肉，仲嚴詞批評作為執法部門嘅食環署巡查肉食店舖不力，造成立法嚴、執法鬆，咁即係縱容黑店冰鮮肉充鮮肉賣，呃錢之餘又危害市民嘅健康，署長梁卓文責無旁貸，真係唔鬧唔得。
