今年六月再任媽咪、誕下一對龍鳳胎嘅「恒生新抱」何倍倩，榮升三子女之母，老公為獎勵老婆辛勞，喺上月送上一個歐遊團，並順道慶祝結婚八周年紀念，可謂雙重意義。

何倍倩在英倫大飽口福，遍嘗各式美食。

何倍倩於肯辛頓宮門前留影。

戴安娜

威廉夫婦

佢哋先後到法國同英國旅行充電兩星期，呢次更加係佢哋幾年嚟首次二人世界出埠，何倍倩話：「其實都唔捨得三個小朋友，成日打電話返嚟視像睇吓佢哋，今次去咗兩星期，返嚟發覺大仔反而乖咗，可能我嚇過佢，話如果佢再曳，我就會走，哈哈。」佢話此行主要吃喝，品嘗咗多間法英著名嘅米芝蓮餐廳，飽嘗口福之欲，惟返港後，竟然發現清減咗七磅之多，回復未生產時嘅體重，絕對係意外收穫。

今次結婚周年紀念之旅，佢最開心係到英國參觀咗肯辛頓宮，嗰度係威廉王子夫婦現居所，部分列作博物館開放畀公眾參觀，佢話：「我好鍾意凱瑟琳（英國劍橋公爵夫人），見到佢生完BB，好戥佢開心，覺得佢承接住戴安娜嘅氣質，好優雅，係典型王妃模樣。」咁旅行中會唔會造人？兩個去三個返？佢話：「唔會啦，會嚇到心臟病，負荷唔到。」

第一手消息請下載on.cc東方互動iPhone/iPad/Android/Windows Phone Apps