SUN搞作：少膽虫手記：佔西的理由
「佔佔佔，噢佔佔佔……」淫賤黎哼起歌來，少膽虫見腦細咁高興，自然上前問吓發生咗咩事？「咩事？其實係我決定要佔西！」少膽虫一聽，大吃一驚︰「腦細，人哋搞佔中已經一身蟻，我哋仲去抄人，而且《喪報》啱啱先……」
豈料，淫賤黎一聲喝斥少膽虫︰「錯！錯！錯！少膽虫，呢蹚渾水絕對抽得過，所謂水清則無魚，『濁水』先可以渾水摸魚；抽水為得名，『明德』就可以贏盡掌聲！呢個亦係《爛果》呃着數、撈油水之法！」
少膽虫突然覺得，眼前嘅淫賤黎英偉十倍，估唔到咁妙絕嘅說話會出自淫賤黎之口，不過少膽虫仍有憂心之處︰「腦細……不過……」少膽虫欲言又止，令淫賤黎開口追問︰「不過咩？」「人哋佔中都驚重演六四，我哋搞佔西，會唔會出動到飛彈o架？」只見淫賤黎搔搔頭︰「又關飛彈咩事呢？我諗住《喪報》摺咗，霸晒成個西貢區嚟擺廢紙，費事塞晒喺壹全霉度，見到眼冤，乜咁都要射飛彈？」
「果然，垃圾始終係垃圾！」少膽虫搖搖頭，轉身就走……
