城中鏡：郭秀雲潛水美肌
有高級護膚品牌尋日邀得城中名人，包括鋼鐵大王後人龐傑嘅太太郭秀雲、馬詩慧、郭錦恩、榮雪梅同周美鳳等分享美麗心得。大會仲特別安排佢哋進行個人皮膚分析同諮詢，發現佢哋護膚得宜，肌齡仍然保持喺少女時代咁，可見佢哋都係美容達人。一向熱心環保公益嘅郭秀雲透露：「雖然經常去潛水做環保工作，但其實海水嘅養分對皮膚有益。另外，我最注重皮膚的清潔同卸妝，咁樣先唔會堵塞毛孔，讓後續嘅睡前保養更加吸收。」
一班名媛齊分享美麗心得，左起：榮雪梅、郭秀雲周美鳳、馬詩慧、郭錦恩。
另外，品牌特別邀請咗著名化妝師暨跨媒體創作人為嘉賓製作獨一無二嘅布偶，各嘉賓為布偶加上富個人特色嘅飾物，令紀念品別具收藏價值。喺過程中，可見各嘉賓對藝術亦甚有研究，大概是由於佢哋都對美好有要求。裝飾完成後，佢哋都好雀躍地合照，話好滿意完成品。郭錦恩指自己好似重拾童真一樣為自己喜愛嘅布偶打扮，而依家就會花心思為自己打扮。
