政壇：男拔舊生國際音樂賽奪冠
直資名校拔萃男書院喺國際音樂場上再次揚威海外，男拔舊生合唱團啱啱喺第三屆亞太合唱比賽中奪得公開組男聲冠軍及公開組全場總冠軍兩項殊榮，喺十八個國家、一百三十五支勁旅中脫穎而出，擊敗印度、馬來西亞、菲律賓同韓國等國家隊伍。
拔萃男書院舊生合唱團在第三屆亞太合唱比賽中，奪得兩項冠軍殊榮。
國際文化交流基金會籌辦嘅第三屆亞太合唱比賽本月八日至十八日喺印尼美娜多舉行，比賽吸引十八個國家、逾四千名音樂家組成嘅一百三十五支參賽隊伍參加。男拔舊生合唱團係首隊代表中國同香港參與呢項大型公開比賽嘅合唱隊伍，喺啱啱完成嘅比賽中奪得公開組男聲冠軍同公開組全場總冠軍兩個大獎，男拔校長鄭基恩仲負責擔任今次嘅合唱指揮添！
