SUN搞作：少膽虫手記：奠……視《喪報》
「喪呀！喪呀！」淫賤黎悲鳴疾呼。少膽虫一時手足無措︰「腦細，《喪報》已死，節哀順變。」淫賤黎輕嘆︰「《喪報》咁喪，都要命喪九泉，仲可以點？」少膽虫見機不可失，再次獻計︰「不如再大搞壹奠視！奠……視《喪報》都搞過，豈非一絕？」
豈料淫賤黎化悲為憤，拍枱叫道︰「自你上次提議，我即刻去搞。我將資金瞓晒落去，諗住喺香港大搞，點知申請唔到不特止，依家連申請過都無人提？」淫賤黎日日搞不共……戴天嘅事，都信壹奠視會攞到牌，究竟原因何在？「腦細，究竟點解你會信佢哋會畀牌你？」少膽虫狐疑地問。
「佢哋同我講攞牌就好似選啞洲先生咁，話我咁靚仔，實掂！」淫賤黎一臉自豪。少膽虫一聽就知淫賤黎伏已中，「腦細，啞洲先生係啞視搞嘅，真係信佢一成……」誰不知，淫賤黎一巴一巴猛摑少膽虫︰「咁你即係話我唔靚仔喇！唔靚仔吖嗱……」
雖然淫賤黎精於擦英國佬鞋，但此英不同彼英，淫賤黎咁「靚仔」，係就係「有牌」，但只不過係「有排」等咁解！
