巨星魅力，誰與爭峰。今年係中文大學成立五十周年，日前喺灣仔會展舉行殿堂演藝之夜，請咗京劇大師梅葆玖、粵劇名伶陳寶珠、歌后徐小鳳等重量級歌手登場。演出班底咁夠分量，逾千位政商界名人及歷屆校友當然落力揼水，終為和聲書院籌得逾千萬元善款。另一邊廂，香港大學黃麗松講堂內同樣熱鬧非常，皆因有八位社會賢達獲頒授名譽大學院士榮銜，表揚佢哋對港大嘅卓越貢獻。至親好友紛紛前來送上誠摯祝賀，場面溫馨感人。

港大頒院士
喜悅
九巴創辦人雷瑞德女兒余雷覺雲（後左三）與丈夫余宇康（左二）、姪仔雷禮權（右一）及姪媳婦利蘊珍（左一）等親人分享獲頒院士的喜悅。

祝賀
恒隆集團董事總經理陳南祿（右二）獲頒殊榮，太太伍淑恩（左一）、「紡織大王」陳瑞球（左二）及信興集團副主席蒙德揚（右一）齊齊送上祝賀。

中大演藝夜
笑顏
晚會籌委會主席梁鳳儀（左）盛裝出場，同港區人大代表蔡素玉（右）及健康快車創會主席方黃吉雯（中）笑容一樣燦爛。

風度
粵劇名伶白雪仙(右)蹺住好友陳培偉醫生一齊出席。

孖住
新任中大校董嘅立法會議員葛珮帆同老公Henry孖住欣賞金曲。

念舊
前立法局主席黃宏發任中大政治及行政系講師多年，同中大感情深厚。

歡聚
本地著名設計師又一山人（中）同太太Jessie（右）齊齊現身，同佢哋好老友嘅新世界發展執行董事紀文鳳（左）笑稱自己係「又一姐姐」。

第一手消息請下載on.cc東方互動iPhone/iPad/Android/Windows Phone Apps