政壇：郭妤淺撇甩唐唐睇醫生
前政務司司長唐英年同太太郭妤淺經常孖公仔出現，早幾日下午大約兩點半鐘，唐太現身中環，身邊卻冇唐唐，着住件紅色連身花裙外加一件灰白色外套嘅佢，手攞一張Ｘ光片，行色匆匆咁直入診所林立嘅萬邦行，表情頗嚴肅，咁匆忙唔通去睇醫生？
唐太離開時手中嘅Ｘ光片已經唔見咗。
唐郭妤淺拿住Ｘ光片，急步去睇醫生。
唐太面露招牌笑容話正要去睇醫生，並非身體有咩大礙，只係例行身體檢查啫！隨後就見唐太搭升降機上十一樓，大約二十分鐘後，就見佢落樓離開，不過，呢個時候佢原本手中拿住嘅Ｘ光片已經唔見咗，佢笑笑口話身體冇乜嘢，而張Ｘ光片就擺低咗喺診所。點解唔見唐唐陪你嘅？唐太好體諒咁回應：「又唔係咩特別嘢，唔使陪喇！」
