智能手機已經成為現代人生活必需品，不過傳統手機都大把捧場客，尤其係一班上咗年紀嘅人士。早前我哋見到年近九十歲嘅協成行集團主席方潤華，佢精神奕奕咁亮相，仲攞自己部智能手機畀人幫佢影相添，原來佢都係智能一族。
見慣風浪嘅方潤華仲向年輕人贈言話，自己已經年近九十，估計對方只有佢年紀嘅兩成，佢鼓勵年輕人要繼續努力，之後就好熟練咁用智能電話打畀司機接送佢離開。
